Faroe Law

Vit veita allar løgfrøðisligar tænastur.

Okkara hugburður er, at ein og hvør uppgáva skal metast og loysast í sínum vinnuliga og handilsliga samhangi og eftir tørvinum hjá kundanum.

Um okkum

Vit eru nýhugsandi og ikki bangin fyri at koma við nýskapandi uppskotum til eina loysn. Harafturat hava vit servitan í at meta um og loysa løgfrøðiligar uppgávur. Vit vilja altíð vera millum tey dugnaligastu, tá ið tað kemur til at ráðgeva vinnulívinum í løgfrøðiligum málum. Tí tað er serliga tað, vit arbeiða við. Tað kann eisini koma fyri, at vit vísa á aðrar ráðgevarar, ið kunnu veita kundanum eina betri ráðgeving í tí einstaka málinum. Endamálið hjá okkum er, at kundin skal fáa ta bestu ráðgevingina.

Vit leggja dent á persónliga luttøku, tænastu og samstarv.

Okkara eyðkenni er, at vit hava eina praktiska og vinnuliga tilgongd, tá ið vit arbeiða fyri kundar okkara. Fyri okkum er løgfrøðin grundarlagið, og ikki snúningsdepilin, tá ið vit ráðgeva kundum okkara.